సూర్యకుమార్ యాదవ్ సెంచరీ.. సన్‌రైజర్స్‌కు ఖాతాలో మ‌రో ఓట‌మి

ఐపీఎల్ 2024 55వ మ్యాచ్ ముంబై ఇండియన్స్, సన్‌రైజర్స్ హైదరాబాద్ మధ్య జరిగింది. ఈ మ్యాచ్‌లో టాస్ గెలిచిన ముంబై ముందుగా బౌలింగ్ ఎంచుకుంది. సన్‌రైజర్స్ హైదరాబాద్ నిర్ణీత 20 ఓవర్లలో 8 వికెట్లు కోల్పోయి 173 పరుగులు చేసింది. అనంత‌రం చేధ‌న‌లో సూర్య కుమార్ యాద‌వ్‌, తిలక్ వ‌ర్మ‌ల విలువైన భాగస్వామ్యంతో ముంబై ఏడు వికెట్ల తేడాతో విజయం సాధించింది.

సూర్యకుమార్ యాదవ్ సెంచరీతో ముంబై ఇండియన్స్ ఏడు వికెట్ల తేడాతో సన్‌రైజర్స్ హైదరాబాద్‌ను ఓడించింది. ఈ విజయంలో తిలక్ వర్మ కూడా ముఖ్యమైన సహకారం అందించాడు. వీరిద్దరి మధ్య 143 పరుగుల అజేయ భాగస్వామ్యం ఉంది. వాంఖడే స్టేడియంలో జరిగిన ఈ మ్యాచ్‌లో హైదరాబాద్ బౌలర్లు తడబడుతూ కనిపించారు. దీంతో ముంబై 17.2 ఓవర్లలో మూడు వికెట్లు కోల్పోయి 174 పరుగులు చేసి ఏడు వికెట్ల తేడాతో విజయం సాధించింది. ఈ విజయంతో ముంబై పాయింట్ల పట్టికలో 10వ స్థానం నుంచి తొమ్మిదో స్థానానికి ఎగబాకింది. ఇప్పుడు ఆ జట్టు ఖాతాలో ఎనిమిది పాయింట్లు ఉన్నాయి. సన్‌రైజర్స్ హైదరాబాద్ 12 పాయింట్లతో నాలుగో స్థానంలో కొనసాగుతోంది.